更多
2020-11-06
49 瀏覽
大角咀餐廳愈開愈來,但始終較唔就腳,所以喺約飯局時一直不在top priority之列。但今次朋友揾到嘅呢間新餐廳,全晚嘅所有菜式都相當有驚喜,所以下次再有一大班fd子嘅飯局,我絕對會再推介!餐廳位於利奧坊,搶眼嘅門口設計加上招牌醒目嘅燈光寫住「eaaaat」,喺漆黑中份外顯眼。坐低後店員熱情招呼,當晚都算高朋滿座,但店員介紹話餐廳新開了很短時間,這點令我頗感意外。打開menu,感覺菜式係介乎日式與西班牙菜fusion之間。有一系列幾雞做主題嘅串燒,當中唔少係比較少見甚至乎係連我都未聽過嘅部位,另外亦有西班牙傳統菜taco,還有西式餐廳常見嘅snack, starter及肉類main course,飲品方面則有cocktail及sake,迎合唔同食客喜好。先點了幾款較冷門嘅雞串燒款,例如係雞尾、雞頸肉、雞心喉及雞胸軟骨等,全部嘅口感都各有特式,真係難以言喻要試過先知其妙處。不過當中我最愛嘅係雞尾。一串要用上5隻雞先能夠做到一串雞尾串燒,異常珍貴。味道方面亦係你估唔到咁騷香,油脂重而不膩令我好難忘!另外亦追加了佢哋自家製嘅雞肉棒,入口雞味香濃,調味亦相當有特式,仔細咀嚼能食到有雞軟骨嘅口
餐廳位於利奧坊,搶眼嘅門口設計加上招牌醒目嘅燈光寫住「eaaaat」,喺漆黑中份外顯眼。坐低後店員熱情招呼,當晚都算高朋滿座,但店員介紹話餐廳新開了很短時間,這點令我頗感意外。
打開menu,感覺菜式係介乎日式與西班牙菜fusion之間。有一系列幾雞做主題嘅串燒,當中唔少係比較少見甚至乎係連我都未聽過嘅部位,另外亦有西班牙傳統菜taco,還有西式餐廳常見嘅snack, starter及肉類main course,飲品方面則有cocktail及sake,迎合唔同食客喜好。
先點了幾款較冷門嘅雞串燒款,例如係雞尾、雞頸肉、雞心喉及雞胸軟骨等,全部嘅口感都各有特式,真係難以言喻要試過先知其妙處。不過當中我最愛嘅係雞尾。一串要用上5隻雞先能夠做到一串雞尾串燒,異常珍貴。味道方面亦係你估唔到咁騷香,油脂重而不膩令我好難忘!
另外亦追加了佢哋自家製嘅雞肉棒,入口雞味香濃,調味亦相當有特式,仔細咀嚼能食到有雞軟骨嘅口感,配上蛋漿好特別。而牛舌則相當較乾,有啲失色。
另一個必點嘅菜式我認為係Burrata cheese ham,首先芝士與Parma ham是係100% perfect combination,Burrata Cheese好新鮮,淡淡奶香中和了ham的咸味,洽到好處。
最後一款要試嘅係佢嘅signature cocktail-Ka Sing Street,以餐廳所在的街名來命名,cucumber與gin一樣係不敗組合,入口好refreshing 但個人認為偏甜,配上串燒相當夾。
張貼