影片
更多
2014-02-17
4157 瀏覽
新春團拜聚會昨日終於齊人, 由於有人茹素, 而且15:00至17:00有半價優惠, 所以選擇嚟呢度. 睇返荃灣分店嘅食評, 近期劣評都不少, 主要係講未食完就催人埋單...職員態度唔好..., 但最近我哋嘅係呢間, 咁是但啦, 試下囉! 預先BOOK咗15:00, 7大1細.14:55去到, 即刻入得唔使等(仲以為要齊人先入得添). 雖然我哋係坐最入, 但一舉手都有人招呼, 主動加茶及收碟. 上菜速度都幾快.好! 講下食物先--雖然係素食, 但真係做得好似葷, 某些賣相甚至連味道質感都好似, 勁! 原隻木瓜沙律--木瓜清甜配上爽口嘅青瓜絲. 百厭仔一個人清晒整個就知好味啦! 原盅竹笙素翅燉椰皇--一開蓋已聞到很濃嘅椰香, 飲一口湯, 好清甜好正! 榴槤酥--我自己就唔食嘅, 朋友話好味喎. 芋頭魚--入口鬆化, 滿口芋香, 掂! 咖哩羊腩雜菜農夫包--咖哩汁香濃, "羊腩"入口真係好似. 但農夫包一上枱已林了, 頗為失色. 燒味拼盆 (炸大腸/乳豬/鰻魚/葷蹄)--炸大腸/乳豬入口香脆, 真係好似食緊肉食架. 鰻魚就最似, "肉"質較林似魚肉, 連魚腥味都整到出嚟, 勁!
睇返荃灣分店嘅食評, 近期劣評都不少, 主要係講未食完就催人埋單...職員態度唔好..., 但最近我哋嘅係呢間, 咁是但啦, 試下囉! 預先BOOK咗15:00, 7大1細.
14:55去到, 即刻入得唔使等(仲以為要齊人先入得添). 雖然我哋係坐最入, 但一舉手都有人招呼, 主動加茶及收碟. 上菜速度都幾快.
好! 講下食物先--雖然係素食, 但真係做得好似葷, 某些賣相甚至連味道質感都好似, 勁!原隻木瓜沙律--木瓜清甜配上爽口嘅青瓜絲. 百厭仔一個人清晒整個就知好味啦!
原盅竹笙素翅燉椰皇--一開蓋已聞到很濃嘅椰香, 飲一口湯, 好清甜好正!
榴槤酥--我自己就唔食嘅, 朋友話好味喎.
芋頭魚--入口鬆化, 滿口芋香, 掂!
咖哩羊腩雜菜農夫包--咖哩汁香濃, "羊腩"入口真係好似. 但農夫包一上枱已林了, 頗為失色.
燒味拼盆 (炸大腸/乳豬/鰻魚/葷蹄)--炸大腸/乳豬入口香脆, 真係好似食緊肉食架. 鰻魚就最似, "肉"質較林似魚肉, 連魚腥味都整到出嚟, 勁!
日式魚刺身--點咗豉油同wasabi, 幾可亂真呢!
馬來沙嗲串燒--呢個最正, 沙嗲汁香濃, "肉"質又似. 本來叫兩份一人一串, 後來忍唔住再encore嚟多兩份.
加一服務費+茶芥(唔知點解明明8個人收5個茶芥呢), 減起某些半價優惠. 埋單 $627.3有半價優惠減咗三百幾蚊都算抵, 如果收原價就比較貴喇!
至於之前有食評大約寫話"食到趕頭趕命, 催人埋單," 我又唔多覺喇! 可能出面無人等位啦, 我哋15:00入座, 食飽飽就吹水, 吹到16:25職員先埋嚟叫埋單, 埋完單我哋仲坐多陣先走. ok啦! 唔算趕 可以接受嘅!張貼
