皇后板石燒冰室 (已結業)

約左好耐無見嘅朋友食Lunch佢一黎就話食呢間啦！我食開咖！好呀唔洗諗食咩，而且呢個朋友揀嘅不嬲都有質素！咁就試下啦！午餐時間我早到左，但未齊人都俾我入，過程都無話黑面係咁叫我落單，其實我都唔好意思，所以問定朋友想食咩，差不多時間就可以叫！一望餐牌，又幾吸引喎！但果日真係好想食清啲，好彩都有沙律揀！黎到又幾大碟，上面嘅雞肉亦一啲都唔hea，好香有咬口入味嘅，份量都唔小！朋友叫左菠蘿火腿豬扒都好大碟好好食咁！我下次都要試下其他野食先得！