上品火鍋料理 (已結業)

朋友生日打邊爐，上網見到好似唔錯就決定黎試下。我地叫左沙爹湯底基本野，另加一個小辣麻辣螺湯底。小辣麻辣螺湯對我黎講就唔係幾辣喇朋友就話有點辣， 麻辣裡面有蕃茄，第一次食麻辣有蕃茄都幾奇怪仲有秀珍菇，叫左碟本地手切牛同羊肉，d肉唔知係切錯方法定唔靚，韌好韌，食香口膠咁個咀勁累，好多筋咁。叫左一份醉蝦，一份5隻哥哥話108蚊，新鮮呀上黎仲識郁都大隻，水餃係最好食既一樣野，d丸正常無咩特別。豬粉腸都係韌，大腸就軟熟d, 所以其實都食到個咀幾累比d肉已經玩死左。鳳尾蝦滑好得意，有芝士，好大粒都幾好食，大致上係咁埋單＄1401，3個人。 其實打邊爐成日都會食，呢間cp值就麻麻喇，價錢唔平食物又好麻麻，應該都唔會再黎喇。食完呢餐飯個咀有d累，好似樣樣野都要咬好耐咁講返訂位果時話無限時，見我地一食完就收哂所有d野就催我地兩次埋單，8點3入座10點未夠就清哂野好似趕我地走咁，即係呢個價錢呢d野食呢d食野時間。。外面都有好多選擇。。真心麻麻地