影片
更多
2014-11-22
507 瀏覽
今晚食壽司為主；$80 珍寶帶子刺身 2大粒切半（睇落好似4片）新鮮唔腥，鮮甜肥美，朋友好鍾意食。$30 軟殼蟹手卷除左軟殼蟹仲有蟹子，我無食，朋友話覺得好味，佢食個陣軟殼蟹仲係暖同脆嘅。$142 最上壽司盤 （三文魚x2，章紅魚x2，蟹子x2，鰻魚x2，北寄貝x2，加州反卷x8）之前未食過章紅魚，無咩味，唔腥又唔甜；北寄貝無平時出面食咁橡膠難咬；加州反卷嘅蛋黃醬係唧响旁邊，我覺得好貼心，因為我另一位朋友正正就係會因為某d壽司有此醬而唔食；其他壽司無咩特別，正常無問題。$66 燒鰻魚牛油果反卷 有8件我覺得係全場最o岩我胃口嘅! 牛油果有d生生地，所以食到牛油果清新嘅味道；鰻魚同牛油果份量比起我以前食過嘅日本料理放得比較多，但呢個比例我覺得先至剛剛好；而且加左芝麻又淋上鰻魚汁，所以味道好特出；仲有响份量多左嘅鰻魚旁邊放青瓜，可以去除油膩感之餘，又唔喧賓奪主。今餐整體都好滿意，食物新鮮! 而且買完單先知無加一服務費？!
$80 珍寶帶子刺身 2大粒切半（睇落好似4片）
新鮮唔腥，鮮甜肥美，朋友好鍾意食。
$30 軟殼蟹手卷
除左軟殼蟹仲有蟹子，我無食，朋友話覺得好味，佢食個陣軟殼蟹仲係暖同脆嘅。
$142 最上壽司盤 （三文魚x2，章紅魚x2，蟹子x2，鰻魚x2，北寄貝x2，加州反卷x8）
之前未食過章紅魚，無咩味，唔腥又唔甜；
北寄貝無平時出面食咁橡膠難咬；
加州反卷嘅蛋黃醬係唧响旁邊，我覺得好貼心，因為我另一位朋友正正就係會因為某d壽司有此醬而唔食；
其他壽司無咩特別，正常無問題。
$66 燒鰻魚牛油果反卷 有8件
我覺得係全場最o岩我胃口嘅! 牛油果有d生生地，所以食到牛油果清新嘅味道；鰻魚同牛油果份量比起我以前食過嘅日本料理放得比較多，但呢個比例我覺得先至剛剛好；而且加左芝麻又淋上鰻魚汁，所以味道好特出；仲有响份量多左嘅鰻魚旁邊放青瓜，可以去除油膩感之餘，又唔喧賓奪主。
今餐整體都好滿意，食物新鮮! 而且買完單先知無加一服務費？!
題外話/補充資料：
店舖間隔上將水吧同客枱分開左，俾客人有舒適感，但係多數侍應企哂响水吧果邊，無乜留意客人需要…
(以上食評乃用戶個人意見 , 並不代表OpenRice之觀點。)
張貼