全部相片均由本人親自拍攝，全部原圖! 全部相片均由本人親自拍攝，全部原圖! 全部相片均由本人親自拍攝，全部原圖!
突然之間想食德國菜，於是相約朋友黎到Das Bier相聚一番。行完奧海城，黎到Das Bier 德國餐廳食晚餐。餐廳十分貼心，為防疫做足準備，設計了電子餐牌，既環保又可減少接觸性傳染風險。睇下餐牌食咩好，我們選了煙三文魚配凱撒沙律（ $128 ），德國鹹豬手配酸菜及薯仔沙律（ $218 ），德式肉丸燴松露意大利飯（ $138 ），可樂（ $28 ）及Movenpick雪糕（ $28 ）。
天氣熱辣辣，行街行到一身汗，飲番杯可樂透心涼。
首先，先上沙律，煙三文魚配凱撒沙律（ $128 ），沙律比想像中大份，大大兜份量十足。本來只係諗住叫個小沙律作開胃之用，沒想過這麼大份，真材實料。有足料煙三文魚，沙律菜，麵包，洋蔥同埋番茄，實屬不錯。
食完沙律，冇幾耐就送上了德式肉丸燴松露意大利飯（ $138 ），上枱香氣撲鼻
，一陣陣黑松露味道，令人急不及待想嘗試一下。食落真的驚喜十足，松露味十足，夠香濃，值得一試。
來到德國餐廳，點少得吃鹹豬手？德國鹹豬手配酸菜及薯仔沙律（ $218 ），店員已預先把豬手切好方便食用，豬手肉和豬皮是分開的。豬皮烹調得十分香脆，吃落真Crispy!!!
配上酸菜薯仔沙律及芥茉醬汁，味道一流。
最後食埋個甜品Movenpick 雪糕士多啤梨味，吃完真的大滿足。
