味工房 (已結業)

我住黃大仙咁耐，好少係屋企附近食飯，多數都係過去食飯多，因為始終返工都係銅鑼灣或者中環，而家處於休息緊嘅狀態之下，朋友約食飯約喺屋企附近都係第一次，食乜我都冇乜idea，今日下午專登去附近兜下，睇下有啲咩食，見到有一間食烤魚，正正合我心意，問埋朋友ok，今晚就食呢間，我哋叫咗麻辣烤石斑魚（另外有一個係冬陰公烤魚）炒通菜，厚燒牛舌，燒茄子，質素比我想像之中好好多，條魚超級新鮮，我最欣賞燒茄子有川菜嘅感覺，今日個肚唔爭氣，下次會再試吓呢度嘅泰菜。