串本屋 (已結業)

餐廳除左有串燒，仲有爐頭位比人shabushabu。所以我哋兩條友又叫鍋，又叫串燒。安格斯肥牛雜菜鍋$148食串燒食好多肉， 梗係要叫返啲澱粉質同埋蔬菜balance返佢。加左烏冬。牛肉份量多，大概有成十塊。牛肉質地唔錯，肉同脂肪比例適中。 佢嘅 芝心獅子狗同埋糯米腐皮包（自己幫佢改😂）燒芝士年糕 $28芝士年糕燒到暖lublub, 入面嘅芝士溶溶地。我鐘意年糕質地，非常軟糯。鰻魚粒燒飯團 $15飯團燒得好靚，面頭燒至焦香，有少少煲仔飯焦嘅感覺。飯團入面有啲 鰻魚粒增添返飯團嘅濕度。魚嘅分量唔會太多，令到個飯糰太油膩。焦糖燒菠蘿 $28幾好食，我媽媽直程叫左兩碟。一嚿菠蘿切成六塊，面頭加上糖再燒至脆身。菠蘿又juicy又甜。食完串燒食呢個就岩晒。