更多
2019-08-21
317 瀏覽
有Oppa幫你燒肉既oppa燒肉～呢間燒肉真係非常推薦！首先佢地理位置非常好，雖然係旺角，但係偏離一d繁忙既街，又近火車站～我地平日夜晚去到都等左半個鐘先入得～入到去見到佢既設計都真係幾好！有條吸油煙既管對住個爐，個爐既設計係斜斜地，方便收集d油～成餐飯塊板都唔駛換！冇痴過底～我地一行3人叫左黑毛豬拼盤、和牛拼盤同埋鵝肝！真係飽到郁唔到～一入到去佢已經放低左3款前菜，包括芽菜、紫菜同埋當然有泡菜！全部都可以任你refill! 不過我地都係refill 左1-2次，想留肚食肉！黑毛豬拼盤：唔知叫普通豬係點，但叫黑毛豬真係食到豬既香甜味，一上左個拼盤，香港oppa就非常主動咁黎幫我地燒，佢手勢仲非常好！燒到外面帶金黃，入面又唔會乾！拼盤放左係個豬形木板上，你會見到自己食緊咩位～食完唔怕唔知食緊咩！好貼心！同埋枱面有生菜，豬有腩既地方用生菜包黎食就岩，冇咁漏～又可以食多幾舊！如果食哂d菜店員都好快手咁幫你上過碟新！和牛拼盤：同黑毛豬拼盤一樣，都係用牛形狀木板上，咁你食緊個陣就知自己食到咩位，同豬唔同既係牛燒既時間短好多～～好快食得！個牛真係又抵又大碟！ 好有牛味，強烈推薦叫呢兩個餐！鵝肝：我
有Oppa幫你燒肉既oppa燒肉～
呢間燒肉真係非常推薦！首先佢地理位置非常好，雖然係旺角，但係偏離一d繁忙既街，又近火車站～我地平日夜晚去到都等左半個鐘先入得～
入到去見到佢既設計都真係幾好！有條吸油煙既管對住個爐，個爐既設計係斜斜地，方便收集d油～成餐飯塊板都唔駛換！冇痴過底～
我地一行3人叫左黑毛豬拼盤、和牛拼盤同埋鵝肝！真係飽到郁唔到～一入到去佢已經放低左3款前菜，包括芽菜、紫菜同埋當然有泡菜！全部都可以任你refill! 不過我地都係refill 左1-2次，想留肚食肉！
黑毛豬拼盤：
唔知叫普通豬係點，但叫黑毛豬真係食到豬既香甜味，一上左個拼盤，香港oppa就非常主動咁黎幫我地燒，佢手勢仲非常好！燒到外面帶金黃，入面又唔會乾！拼盤放左係個豬形木板上，你會見到自己食緊咩位～食完唔怕唔知食緊咩！好貼心！同埋枱面有生菜，豬有腩既地方用生菜包黎食就岩，冇咁漏～又可以食多幾舊！如果食哂d菜店員都好快手咁幫你上過碟新！
和牛拼盤：
同黑毛豬拼盤一樣，都係用牛形狀木板上，咁你食緊個陣就知自己食到咩位，同豬唔同既係牛燒既時間短好多～～好快食得！個牛真係又抵又大碟！ 好有牛味，強烈推薦叫呢兩個餐！
鵝肝：
我地另外都叫左鵝肝，100$唔駛有咁多真係正！3個人食岩岩好唔會因為食得太多而飽得滯！oppa幫我地燒到d鵝肝外脆內軟！！ 估唔到咁好食！ 因為皮脆既關係，感覺都真係唔漏！
已經諗定下次黎要試下d 2人/4人set!!!!
張貼
