石一燒 (富多來新邨一期) (已結業)

朋友搬左去大角咀之後，久唔久都會去個邊搵下佢食飯，今晚佢就有帶左我去食燒牛肉啦！入到去，朋友就叫我一定要叫一份美國頂級牛小扒，呢度係用岩石盤黎燒，無咁油煙味，牛小扒既賣相好令，油脂分佈平均，厚薄適中，輕輕燒佢一陣，肉汁出哂黎，牛味十足！入口肉質juicy 好嫩滑 非常不錯呢！而呢度既菇類驚喜到我，口感好爽軟，菇味濃郁，唔會好淡味！最印象深刻既雞脾菇，店家將菇切到好薄好薄，所以一燒變到非常香脆！甜品係雲尼拿雪糕配綠茶醬，幾清新 不會過甜 好味！值得一提既係店家十分貼心，門口有支衣物清新濟，唔會搞到成身油煙味 good