花見日本料理 (已搬遷) 新店位置

之前睇電視介紹見到，襯放假同朋友一嚐午餐，我地都叫咗十二貫！以為會唔夠喉，點知食到第六件已經飽飽地，建議女仔可以叫八貫！不過食完真係大滿足。餐廳環境優雅，衛生又時尚。服務超好，不斷會加茶，師傅每次都會等我地食完先再出下一件，並加以介紹，十分有禮。每一件都超有驚喜。我自己就最鐘意海膽，本身壽司飯已掛滿海膽再係上面放海膽！我整個口腔完完全全充斥海膽香！吃完還可以點咖啡或手制抹茶，朋友叫左抹茶，味道十分正宗，而咖啡也十分香濃，為呢一餐畫上句號。唯一挑剔係坐位太少，建議大家預先訂位會較好，期待下次去食佢晚市，唔知又有咩驚喜