添好運點心專門店 (已搬遷) 新店位置

星期5同BB睇完戲下晝4點幾去到同佢講2位,等都5洗等就有位坐喇嘻所以大家想試既話都係襯平日下晝少D人既時間去就唔洗等咁耐啦兩個人叫左:酥皮叉燒包 招牌叉燒包,一定要試! 個皮好香好脆,入面D叉燒熱辣辣好好味,正。晶瑩鮮蝦餃 一上台個陣就雙眼發光,好靚也D蝦餃包得!! 真正既皮薄餡靚`D蝦食得出好新鮮!鮮蝦燒賣皇 普通茶樓燒賣,冇咩特別。芋絲春卷 食得出係新鮮炸起,放左一陣先食都仲係好脆。金銀蛋瘦肉粥 本人自已好鐘意食粥,覺得呢個粥都不俗。 算係煲得好綿,D瘦肉絲都好好。D姨姨斟茶都算好密,唔洗自已開聲都得閒問下你添咩茶咁。細細間舖頭咁忙都有咁欣勤既服務算唔錯喇。只不過入面真係好迫,我地坐係6人台中間個2個位,我係女仔都冇問題,BB佢就辛苦D,要縮埋D個博頭坐咯,如果D位冇咁迫既話就舒服好多喇。加埋每人$2茶錢$72埋單,都算抵。