AFTER TEN (已結業)

店舖裝修好有feel。白色牆、白枱同櫈、藍金色嘅杯墊。成個感覺好和諧。佢地有一個飲品好特別，叫APPLECANO黑蘋果($58)。其他coffee shop 都冇，想叫，但係賣晒。下次黎一定要飲到！最尾叫左杯凍嘅可可朱古力($45)我鐘意佢唔太甜，唔係平時嗰啲朱古力齋甜咁。佢飲落去有啲似食緊75%朱古力咁。有飲得出好濃嘅朱古力味，而且又有可可味。叫左份蒜油蝦蜆扁意粉($118)未食之前聞左一聞，好香呀！有炒香左蒜頭味、有炒蝦嘅鮮味同香草味。意粉炒得好乾，唔會太一濕。啲麵每條都沾有炒過蒜啦，蝦啦同蜆嘅油。雖然佢係炒麵，但係食落都唔油，好乾爽。所以齋食麵都己經好有鮮味。個麵入面有蝦同蜆，但係食落去都冇腥味。啲蝦煮得好細心，佢地係煎左蝦，令到佢個面係脆先加埋其他料炒。個餐牌有比左一個辣椒🌶️係個麵隔離。我覺得個辣度係可接受嘅。你會因為佢辣辣地而忍唔住又夾下一啖入口。食食下，成個餐就食晒啦。