影片
更多
2021-04-16
218 瀏覽
今日朋友生日，梗係要食返間好啲慶祝吓啦！但咁啱朋友唔食牛，所以揀咗間西式得黎係用豬嚟做主題嘅專門店。網上見The salted pig係招牌菜式而聞名，會選用豬嘅最好部位，確保用優質同埋新鮮嘅食材製作食物，又點可以唔試下呢😛行完D2 Place，嚟左附近間THE SALTED PIG豬門店，燈光偏暗，氣氛一流，雖然身在工廠區，放工時候，我坐近門口位都沒有嘈雜感覺。🔍 Mushroom Risotto雜菌意大利飯意大利飯一上枱，已聞到超香松露味，加入雜菌配忌廉汁煮，飯既軟硬度適中，又唔會太濕，食落口完全沒有漏既感覺，勁好味！必試之選！🔍 墨西哥芝士豬肉薄脆大大碟墨西哥薄脆，配搭真係好有心思，墨西哥薄脆上加上牛油果醬，再配上蕃茄莎莎，純素車打芝士及橄欖，牛油果醬好清新，加入新鮮豬肉，食落口又有少辣，帶出個味道得來又唔會辣到食唔到，仲想話咁好食要打包返去，留回家餸酒一流，點知太好食嘅關係食食吓就食晒🤣🔍 烤斧頭豬扒勁大件既超厚身豬斧頭，咁厚身嘅豬斧頭用慢煮嘅方法，就可以做到熟，又唔會令到肉質變硬，肉汁又可以保存係豬扒入面，再略烤兩面，咁先至品嚐到豬嘅真味，連碟上配上煙肉椰菜仔，好有心思！🔍
行完D2 Place，嚟左附近間THE SALTED PIG豬門店，燈光偏暗，氣氛一流，雖然身在工廠區，放工時候，我坐近門口位都沒有嘈雜感覺。
🔍 Mushroom Risotto雜菌意大利飯
意大利飯一上枱，已聞到超香松露味，加入雜菌配忌廉汁煮，飯既軟硬度適中，又唔會太濕，食落口完全沒有漏既感覺，勁好味！必試之選！
🔍 墨西哥芝士豬肉薄脆
大大碟墨西哥薄脆，配搭真係好有心思，墨西哥薄脆上加上牛油果醬，再配上蕃茄莎莎，純素車打芝士及橄欖，牛油果醬好清新，加入新鮮豬肉，食落口又有少辣，帶出個味道得來又唔會辣到食唔到，仲想話咁好食要打包返去，留回家餸酒一流，點知太好食嘅關係食食吓就食晒🤣
🔍 烤斧頭豬扒
勁大件既超厚身豬斧頭，咁厚身嘅豬斧頭用慢煮嘅方法，就可以做到熟，又唔會令到肉質變硬，肉汁又可以保存係豬扒入面，再略烤兩面，咁先至品嚐到豬嘅真味，連碟上配上煙肉椰菜仔，好有心思！
🔍 香蕉雪糕新地
飯後梗係要有甜品！呢個真係一定要推介，簡直係打卡必選，特別要提，雪糕上塊waffle真係好正！外脆內軟，配上雪糕簡直有種冰火相融嘅感覺😍
最後不得不提就係店員服務很好，問多幾句都好有耐性咁仔細回答，仲會推介菜式，nice!😍
張貼
