一目日本料理 (已結業)

同朋友喺屯門做完嘢之後就嚟咗呢一間鋪頭食晚飯。店面裝修得幾有心思，入邊亦都有好多日本嘅裝飾，都幾有日本嘅風貌。座位同環境都舒服，可以同朋友暢談。另外店員嘅服務親切有禮。餐牌上嘅選擇幾多，有刺身、壽司、丼、燒物、炸物、料理等都有齊。火炙三文魚火炙芝士蟹棒及火炙帆立貝壽司三文魚嘅份量好多，咬落肥美而且有香濃嘅魚油味。芝士配蟹柳一向都係絕配，用火燒過後，更加香口。帶子大大粒，幾多肉，食落彈牙新鮮。🤩一口和牛串燒一串有四件，串燒平身冇沾醬，只有用檸檬汁去簡單帶出和牛肉汁。每啖肉汁都包覆住嫩和牛肉，雖然油脂多但幸福嘅感覺滿滿的☺☺火炙丼配麵噌湯 飯配料有火炙三文魚、三文魚籽及蟹柳刺身、玉子一片、紫菜碎、蛋黃醬。平日少食火炙丼但今次試完感覺印象不錯。特別中意火炙三文魚入口即溶嘅口感，令壽司飯更加好食。而蟹柳刺身都唔會話同三文魚唔夾。其實做刺身丼飯最重要都係新鮮，而佢做到。牛油果芝士鰻魚卷賣相唔錯，而且份量多。每一舊上面都有大大塊鰻魚。牛油果嘅味道就唔係太突出，不過食落都口感新鮮！👍🏻黑松露玉子燒玉子燒嘅味道偏甜，不過黑松露嘅味道突出，係唔錯嘅配搭。芝士有少少拉絲效果，但係如果有更加多嘅芝士