禮 (已結業)

星期六去花墟搵野食，竟然有間唔洗等位嘅黃店🥺仲要係超超超抵食！（仲仲仲要唔收加一）餐廳細細間但係幾有居酒屋feel～🍴六貫手握壽司 $148除咗壽司之外，仲有蕎麥冷麵、醃蘿蔔、沙律、麵豉湯、茶碗蒸、同埋生果🤤壽司竟然仲有海膽，而且除咗海膽之外，其他嗰啲都唔係比cheap cheap剌身～雖然我分唔到係咩魚，但全部都好鮮甜！麵豉湯裏面竟然有大大隻蜆食！茶碗蒸超級好食，個湯好甜，蛋味勁出🥺🍴和牛壽喜燒定食 $148一樣都係有醃蘿蔔、沙律、水果、茶碗蒸同埋冷麵～壽喜燒極高質，個湯甜得嚟加埋牛好夾！個牛唔會太肥，但又夠油份，入口個陣牛味滲曬出嚟🥰順帶一提，佢連啲生果都好好食😂