影片
更多
2017-07-11
23603 瀏覽
唔知點解最近好想食Shabu Shabu，溫野菜一直都係我Wishlist入面，雖然之前見過有人寫尖沙咀分店服務唔好，但今日既然黎到尖沙咀，見到又唔使排好長隊，就攞飛試一試佢。攞咗飛唔使5分鐘已經可以入座，講緊係星期四夜晚嘅八點左右，坐低之後睇餐牌發現普通一人餐由三百幾開始起跳，去到五百幾都有分別就係啲肉類嘅級數。既然我唔好肉類所以呢個就唔係我考慮嘅重點，而我嘅同伴佢鍾意海鮮多過肉類，好遺憾溫野菜冇乜嘢海鮮選擇最後我哋決定要AE卡獨享嘅優惠餐。決定咗之後，侍應開始問我地要乜嘢湯底，我要左一個海帶湯底非常之清，只有淡淡海帶嘅香味，係連鹹味都冇嘅。而我嘅同伴就要左一個辣湯底，但係佢就話俾我聽其實個湯底一啲都唔辣。當呢個特惠餐開始上嘅時候我哋兩個真係被嚇親。蔬菜有兩盤，肉類：豬肉同牛肉一共有八盤，沙律有兩個，小食黃瓜一份，蟹鉗一份，帶子貝殼類有兩只，我哋仲叫咗一支細嘅SAKE。由於肉類我一塊都無食，所以我就唔評論啦。但係講菜類係非常新鮮，再加上類似河粉咁樣嘅葛絲，煮完出嚟之後煙煙韌韌非常好食，海鮮都係唔錯嘅，雖然係冰凍嘅，但呢個價錢食到呢個水準已經係相當之唔錯。本來入嚟嘅時候講明個半鐘頭要還
攞咗飛唔使5分鐘已經可以入座，講緊係星期四夜晚嘅八點左右，坐低之後睇餐牌發現普通一人餐由三百幾開始起跳，去到五百幾都有分別就係啲肉類嘅級數。
既然我唔好肉類所以呢個就唔係我考慮嘅重點，而我嘅同伴佢鍾意海鮮多過肉類，好遺憾溫野菜冇乜嘢海鮮選擇最後我哋決定要AE卡獨享嘅優惠餐。
決定咗之後，侍應開始問我地要乜嘢湯底，我要左一個海帶湯底非常之清，只有淡淡海帶嘅香味，係連鹹味都冇嘅。
而我嘅同伴就要左一個辣湯底，但係佢就話俾我聽其實個湯底一啲都唔辣。
當呢個特惠餐開始上嘅時候我哋兩個真係被嚇親。蔬菜有兩盤，肉類：豬肉同牛肉一共有八盤，沙律有兩個，小食黃瓜一份，蟹鉗一份，帶子貝殼類有兩只，我哋仲叫咗一支細嘅SAKE。
由於肉類我一塊都無食，所以我就唔評論啦。但係講菜類係非常新鮮，再加上類似河粉咁樣嘅葛絲，煮完出嚟之後煙煙韌韌非常好食，海鮮都係唔錯嘅，雖然係冰凍嘅，但呢個價錢食到呢個水準已經係相當之唔錯。
本來入嚟嘅時候講明個半鐘頭要還枱。但最後佢都冇催促我哋走，老實講我哋食到一半嘅時候，其實已經非常之飽，最後都係留低左三盤肉冇食過，都真係幾浪費嘅。早知道我就叫一個全素嘅一人前套餐。
我當晚覺得服務亦都幾好，完全冇之前其他評語入邊嘅不良感覺，如果溫野菜可以引入多啲海鮮嘅選擇就更加好啦。
張貼
