初芋 (已結業)

之前見過朋友post過呢間糖水舖，見到佢成間紫色好靚好打卡 able，仲有我最鍾意食嘅芋圓，所以早排食飽飯就拉咗朋友過去試吓，點知可能真係期望過大，坦白講有少少失望 🙈初芋 ABC三色芋圓底配自選糖水同配料，我哋揀咗椰汁初芋露，配料就揀咗荔枝果凍、仙草、寒天珠同埋紅豆，個芋露係幾香滑嘅，配料就各自各有佢應該有嘅味道 😂 不過芋圓真係冇乜味，作為主打食物嚟講有少少失望 🙈番薯糖水 & 黑糖薑茶芋圓番薯糖水變咗味 🙈 好彩同店員講完之後佢俾我哋換另一款，轉左呢碗黑糖薑茶芋圓，芋圓一樣唔香，黑糖薑茶都好淡味，其實都唔係好知自己食咗乜，唔係好建議叫呢個系列嘅糖水 🙈其實佢仲有好多個系列嘅甜品，，但係真心有啲陰影 🙈 呢次食嘅兩款甜品味道都係偏淡，打完卡食咗兩啖真係唔係太想再食 🥲