享樂烘焙

營業中

休息中

我唔係喺九龍灣返工，亦都唔係喺新蒲崗返工，認識呢一間烘焙店係透過星期六叱咤903晏晝一點鐘嘅一個節目，呢個節目主要係介紹好味或者有特色嘅餐廳。當時我聽完呢個節目後就已經好想試吓原本老闆娘想食麻蓉湯圓而發明嘅麻蓉嘅麵包。點解會話呢間餐廳有魔法，因為每次返媽媽屋企行經龍祥道都好想兜入新蒲崗買呢到嘅麵包。其實都幫襯過好多次，有食過好多款，而每款都確有特色，但最近買咗個紅莓芝士包，如果有幫襯過都知呢個包其實有BB嘅面成塊面咁大，當我食咗兩啖時，紅莓配上軟芝士，酸酸甜甜嘅感覺，由原本諗住食兩啖嘅我，最終係食哂成個。可惜嘅係呢個包比我食哂無影相。另外再買咗個芝士包&藍妹芝士蛋糕，全部都好好味呀。