影片
更多
2022-10-04
32 瀏覽
新開Omakase, lunch set有2款，分別係$480 Sushi Omakase 及 $680 Business Lunch Omakase，選左後者. 師傅先問我哋有無嘢唔食，或者食物敏感. 我哋無，但見隔離枱有個男嘅話唔食魚生，想火炙。 見之後每次師傅都為佢哋轉過款或者火炙蕃茄寒天 汁煮黑梅貝前者口感QQ似啫喱， 酸甜好開胃，而且無蕃茄有時會有嘅草腥味. 幾欣賞佢把蕃茄用另一種形態present 出黎. 黑梅貝鮮甜口感彈牙北海道毛蟹蒸蛋 有層鮮味湯汁係頂, 口感軟滑, 食到絲絲蟹肉, 仲有 菇、柚皮絲北海道鱈魚白子配酸汁 白子富有好高嘅營養價值，不過真係比較少食到。口感超級creamy, 好似奶油咁入口即溶、柔滑豐腴,師傅配以酸酸紅蔥花酸汁辟腥汁煮鮟鱇魚肝 當季嘅魚肝飽滿，口感軟嫩綿密。日式甜醬油煮過甜甜哋金鯛魚 立鱗燒呢道真係有驚喜，金鯛魚淋上滾油，魚鱗片片豎起食落超酥脆又唔油膩，而中間魚肉就保持嫩滑多汁石垣貝師傅最後有拍打一下，令其肉質收縮，把握時機入口，厚肉、鮮味同爽彈的口感，而灑係上面岩鹽同些許青檸汁更帶出鮮甜味左口魚口感爽彈，配上蔥同紫蘇花北海道帶子厚肉甘甜
師傅先問我哋有無嘢唔食，或者食物敏感. 我哋無，但見隔離枱有個男嘅話唔食魚生，想火炙。 見之後每次師傅都為佢哋轉過款或者火炙
蕃茄寒天 汁煮黑梅貝
前者口感QQ似啫喱， 酸甜好開胃，而且無蕃茄有時會有嘅草腥味. 幾欣賞佢把蕃茄用另一種形態present 出黎. 黑梅貝鮮甜口感彈牙
北海道毛蟹蒸蛋
有層鮮味湯汁係頂, 口感軟滑, 食到絲絲蟹肉, 仲有 菇、柚皮絲
北海道鱈魚白子配酸汁
白子富有好高嘅營養價值，不過真係比較少食到。口感超級creamy, 好似奶油咁入口即溶、柔滑豐腴,師傅配以酸酸紅蔥花酸汁辟腥
汁煮鮟鱇魚肝
當季嘅魚肝飽滿，口感軟嫩綿密。日式甜醬油煮過甜甜哋
金鯛魚 立鱗燒
呢道真係有驚喜，金鯛魚淋上滾油，魚鱗片片豎起食落超酥脆又唔油膩，而中間魚肉就保持嫩滑多汁
石垣貝
師傅最後有拍打一下，令其肉質收縮，把握時機入口，厚肉、鮮味同爽彈的口感，而灑係上面岩鹽同些許青檸汁更帶出鮮甜味
左口魚
口感爽彈，配上蔥同紫蘇花
北海道帶子
厚肉甘甜而腍身, 灑上青檸柚子皮, 淡淡citric 香味令其味道更豐層次
深海池魚
來自大分縣，魚味香濃，肉質軟腍
金目鯛
來自千葉縣金目鯛，肉質細膩柔嫩，配上烏魚子粉
醬油赤身 柚子wasabi
熟成赤身魚味更加濃厚，更具風味
小肌(小鰭）
都係第一次食， 銀色表皮，魚肉以鹽和醋醃漬過. 肉較薄，質地柔軟好似熟左口感酸酸哋，配以紫蘇葉、昆布同薑。 後來再search 原來小肌唔單止魚薄且細骨很多，要點處理同以適中醋鹽調味係好考功夫
中拖羅
青森縣大間產嘅野生Tuna， 所以深色無平時見中拖羅咁粉紅，帶d咬口, 無咁肥但魚味更出
火炙赤鯥魚
魚皮稍微用火炙過，逼出豐富魚脂就更香
海膽
大都海膽，好似話係排名第十。口感綿密不過個味道唔夠鮮甜. 普通
拖羅手卷
用咗百年老字號嘅得獎紫菜片，好夠香脆而餡料亦好豐富，滿滿拖羅蓉同埋日本蔥，啖啖都好滿足！
最後就係豆腐昆布味噌湯同雪糕
當日有紅豆同抹茶雪糕，兩款味道都唔錯，為呢餐Omakase劃上完美嘅句號。 聽講夜晚會有茅台配雪糕好特別呀
Overall 食物真係好用心，食材新鮮，選料亦好講究. 員工有禮貌，師傅亦好健談細心咁為介紹食物嘅名稱、產地等。 係最近omakase 最impressive 一次
張貼
