花宵 (已結業)

平時好少喺登龍街是樓上餐廳，因為有啲真係好伏，當然有啲係用心做嘅餐廳，但係分辨唔到就唔想試。今次剛剛好有朋友食過呢間餐廳就想去試吓，點知真係有驚喜。價錢合理，環境舒適，佢唔係豪華，但係簡簡單單舒舒服服，火炙左口魚裙邊壽司尤其出色，侍應拎埋黎嘅時候仲特登提醒我哋要食先如果唔係紫菜唔趣就唔好味，非常有驚喜，紫菜夠趣，壽司飯質地剛剛好，左口魚裙邊好有魚油香。另外試咗幾串串燒，一口牛肉粒同埋雞翼都非常出色。芥末八爪魚亦都係有驚喜，佢係八爪魚刺身，新鮮唔腥，芥末嘅味道調得剛剛好。最後嘅甜品令到我哋嘅晚餐畫上圓滿句號，綠茶味雪糕同埋紅豆綠茶麻薯都好好味。