L’atlantis (裝修中)

朋友生日，想俾個驚喜佢，預先book定台。因為疫情關係，客人比較少，餐廳都好識做，室內都打開咗窗。工作人員都好細心友善，值得一讚！由前菜開始，慢慢一道一道菜上。我哋睇住日落，十分寫意。兩個頭盤都好好食！鮑魚係訂台送的，賣相同味道十分好，軟軟的又有口感。法國蝸牛下面係蘑菇，連薯蓉都好夠味，有用心做。主菜除咗魚個肉質比較鞋同乾，口感差啲，牛扒就非常好食，有牛味！最後甜品有寫上生日祝福字句，賣相都非常好，可惜忘了影相！下次可以嚟再試下其他菜式。