台灣美食 (已結業)

去太古城買野，順便食埋飯先返屋企，唔想食咁貴，就諗住去food court食算，本來想試pepper lunch，但係驚太熱氣，見到呢間台灣野好似唔錯，就叫左兩個$38set黎食，估唔到又OK喎蚵仔煎蛋肉燥飯：塊蛋鋪滿成一隻碟，好開心！好大隻蚵仔，雖然有Ｄ腥，但係好好味！蛋加左麵粉入去煎，好似食緊薄撐咁，好好味！肉燥鋪係飯面，都幾多，夠晒撈飯！都幾大份，食唔晒！卥水拼盤肉燥飯：有卥蛋，雞翼，豆腐，台式卥肉，豬軟骨，卥肉都有軟骨，唔錯，最好味係豬軟骨，好入味！每個set都有碟生菜同湯，清清地唔錯，最慘係無野飲收銀阿姐好nice，食得好開心！