素一 (已結業)

近排過節，食左好多餐大魚大肉，男友話想食素清一清腸胃，就黎左朋友介紹既呢間素菜自助餐veggi one食晚餐。餐廳佔地面積好大，而且人流非常旺，所以食物出品都好新鮮！ 自助餐款式選擇多，有十幾款炒菜，例如淮山茶樹菇炒青瓜、雜菌素蝦、支竹蘿蔔焖素羊腩等。除左炒菜，仲有壽司、炸物、pizza、湯、糖水等，第一次食素自助餐既我真係睇到眼花繚亂呀！！估唔到會咁豐富，一洗我對素菜既清淡印象。 宜家每四個人就會送一碟冰鎮咕嘮肉，材料應該係雞腿菇，裹上炸粉炸完之後再冰鎮，炸皮會保持好脆既狀態，而呢個素咕嘮肉食落無論味道還是口感都可以以假亂真，真係好驚喜。 另外每人仲會有一壺燉湯，味道濃郁，真材實料！ 豆腐球同紫薯球好綿密，讚👍🏻芒果壽司好食pizza同素叉燒有驚喜！仲有芋圓糖水今餐真係有驚喜