丼丼屋 (青衣城1) (已結業)

難得約到朋友收工睇戲，雖然時間上得青衣城有場，但仍然無損興致。青衣城嘅收工時間原來超級繁忙，人來人往，餐飲選擇多，但排隊侯餐嘅人都好多。見距離開場仲有１個鐘，打算簡簡單單食丼丼屋 。來到門口有2對情侶等緊，好彩好快就入咗一對，等咗大概三個字就入得。還好。丼丼屋之前喺第二區都食過，印象不太深。但自從想記錄每次外出食飯嘅感受， 今次決定認真食。叫咗個滑蛋雞肉丼定食，有前菜有沙律，賣相不錯。雖然沙律仲有好多水，所以食落口沖淡哂，但外出食飯有菜食已經好開心，唔會太多要求始終主角係個丼。個丼望落去真係覺得好夠料，未食已經諗緊我會唔會食唔哂。真係好耐無食過有咁多蛋嘅滑蛋飯，絕對可以每一粒飯都有蛋汁包住。濃度剛剛好，半熟，調味都唔錯，唔會太甜。雖然Ｄ雞肉就唔係太出色，但個滑蛋真係有水準。食完好滿足，無諗過打算睇戲前快食會有呢個驚喜。下次食丼丼屋應該都會食返滑蛋，不過應該會試牛啦。