一起果醬 (已結業)

今日我和同事見到呢間cafe放在門口個餐牌好似幾好，就入去試一試。😊入到去，覺得環境幾好，裝修幾靚，好有文青feel，環境寧靜不會太嘈吵，餐廳內播放的音樂也很不錯，坐得幾舒服，很適合同朋友尼hea下傾下計😆跟餐有湯或者沙律，我叫左湯，朋友就叫左沙律。我覺得個雜菜湯味道幾清新，不過略嫌淡左少少，但勝在配料足，酸酸地都幾開胃。我同事就話佢個沙律幾好食，好多蔬果好fresh😃之後飲品尼左，支飲管幾靚~我點左黃金蟹肉軟殼蟹意粉，我同事就點左白酒汁青口意粉。先講個軟殼蟹意粉，我覺得真係有驚喜，軟殼蟹好脆，炸得好香口，碟意粉又有鹹蛋粒，好惹味，但又同軟殼蟹好夾，唔會話搶左軟殼蟹d味，真係配合得好好。至於我同事的白酒汁青口意粉，她說白酒味唔算濃，但有好香的蒜蓉味，都幾正😋埋單都唔洗$200，咁嘅價錢在尖沙咀/佐敦區尼講算ok。整體尼講，呢間cafe環境好，食物好，價錢合理，唯一美中不足就是上菜速度慢，如果趕時間的話就不太建議大家去了。