大本瀛日式放題

營業中

休息中

第一次同朋友去兆萬e間大本瀛放題。6點時段入座，任食2小時，每位$198加一。望望menus ，見款式好多，特別有泰式料理同火鍋可以任食！🥳刺身好多款，三文魚、帶子、北寄貝、馬刀貝、泰式虎蝦都新鮮，鮮甜呀！👍🏻有機燒菠蘿多汁香甜，冇怪味！芝士蠔肥美，醬汁好好味，encall !🥳炸物每樣都分碟上，熱辣辣！👍🏻👍🏻士多啤梨咕嚕肉，酸酸甜甜幾好味，d肉彈牙，外皮炸得鬆脆！👍🏻👍🏻炸蝦餅正常。泰式通菜，炒得香、爽口，又唔會油琳琳，encall !仲有壽喜煱，出面幾十蚊個都未必食得飽，呢度有得任食，仲要湯底唔差，有驚喜！😊👍🏻甜品幾好。黑芝麻糯米糍唔會太甜，有芝麻香！朱古力心太軟都唔會死甜，細細粒，朱古力味濃郁。牛乳布丁食落香香甜甜，有牛奶香。