Candy Shake (已結業)

今日去左shopping，行到攰，勁頸渴，見到間從前唔覺有係度既新舖，所以就一於試下。間店都幾有唸頭，識得將糖果打食奶昔去做飲品，實在係好有外國feel，啱曬我呢d半個鬼妹仔啦！！ 睇到金莎奶昔好經濟，先廿八一杯，我就從小最愛暴食金莎啦。一見到，唸到唔洗唸，即刻整返杯先，唔好講咁多！伊？！整到出黎同我想像中又有d分別wor，唔係我想像既成杯朱古力色咁，而係奶奶地色的，面頭既金色裝飾粒粒同一粒麥提莎幾有咬口，樣子有點可愛。喝一口，不太杰身，亦不太甜，最驚就係太甜的了！取而代之係金莎既朱古力香，仲有幾香既榛子味，雖然味道不怎濃，但整體還是不錯的，是種小滿足！荔枝泡泡湯奶昔24朋友叫的，荔枝味清香，奶味也香而不漏，完全唔會過甜，面頭有糖碎，賣相白色好靚，討好而且唔太杰身，比想像中來得要清爽好喝，而且夠曬冰凍tim！日本半熟芝士撻18，跟餐特價9撻皮是我喜歡的曲奇餅底，香脆吸引。不過最討好我的係金黃色先聲奪人的樣樣，少少烤過的痕跡就已經很美艷，想食咁耐，終於食到喇！咬一口，味道帶有淡淡奶香，半流心的質地，芝士味沒有太出眾，但硬軟有緻，口感滑溜，也好滋味，跟餐實在係太抵食喇！！！推推推！