花月宮

營業中

休息中

老公一向麻麻地火鍋，不過我想食，佢只好奉陪😂。環境寬敞，有別於一般酒樓，多了份寧靜和優雅。裝修雅繳，感覺舒適，枱與枱之間有距離部分位置用間版隔住，自成一角，有私人空間。天氣酷熱，冬瓜瑤柱鍋做湯底就最適合。花月宮精選海鮮拼盤 時令拼盤有聖子2隻，日本大扇貝2隻，南非3頭鮑1隻，北海道活北寄貝1隻，花甲，每樣海鮮都非常新鮮，鮮味十足。最正就係北寄貝，大大隻老公食到舔舔脷。手打澳洲羊肉餃（4粒）呢個手工餃脹卜卜，餡料十足而且好有羊味，喜歡羊肉的一定鐘意。西洋菜和田園拼盤食咁多肉當然要食返多啲菜田園拼盤有生菜，娃娃菜，蕃茄和粟米。老公特別讚粟米好甜，生菜清甜。最後飲埋啖湯，好鮮甜，十分滿足。