Darci by Aldou (已結業)

黎到set dinner有兩款價格。揀左408出頭既配搭，外加左1人兩隻生蠔，因為預訂左所以送左個泰式拼盤。泰式拼盤小食有驚喜，朋友鍾意個春卷夠香，我鍾意魚餅個香料味夠出，雞肉串都夠入味。套餐的蘑菇湯香濃，配湯的薄餅外脆內暖，口感好好。椰汁藍青口作為前菜，青口份量足夠，食完可以飲兩啖椰汁感受一下，椰奶香味入口留香。冬蔭公蟹肉意大利飯份量充足，淡淡的冬蔭功味，唔會搶左蟹肉同蟹子的鮮味，又豐富左成個意大利飯的口感同埋味道。寶雲酥羊西冷，淡淡的羊羶味，搭配埋香草清新，有種草原的感覺，羊肉嫩滑，入口鮮甜，真心推薦比鍾意食羊既朋友。餐廳員工係非常之熱情，不過自己唔太慣。餐廳入面成個氣氛係好舒服，值得三五知己享受！