影片
更多
2020-12-26
585 瀏覽
［Pie迷請留意🥧！］美式甜品店Butter係置地廣場開左pop-up store，開到出年5月，宜家好似仲未好多人知住，不過相信好快就會排哂長龍啦！大家可以係舖頭買到多款懷舊美式甜品，如果係嗌成個完整9吋批仲可以online預訂😌佢地期間限定提供4款復古嘅批同蛋糕，online order仲有得揀每月精選嘅特別批（今個月係milk and cookies pie)本身有啲擔心美式甜品會好甜好膩，但估唔到完全出乎我意料！幾款食落都好出色🤩而且今日朝早十點幾去到唔洗排隊，好快就買到啦！🐶Apple pie $70我本身唔係好鍾意食蘋果批，因為覺得佢個餡料一pat野咁，個醬又酸得好難食，但Butter 呢個蘋果批就令我眼前一亮啦😮 餡料方面食到清甜嘅蘋果味🍎，唔會太酸/甜，而且醬汁有淡淡肉桂香，但唔會喧賓奪主，蘋果肉質感適中，淋得黎食到果肉嘅口感，唔係一pat野，而且好足料！批皮過左幾個鍾先食都可以保持香脆，不過唔重牛油味。🐶Pineapple upside-down cake $80呢個有驚喜‼️本身以為呢個蛋糕好普通，就係菠蘿配海綿蛋糕，但食落反而最鍾意呢個❤️蛋糕鬆軟濕潤，最難得係食到淡
美式甜品店Butter係置地廣場開左pop-up store，開到出年5月，宜家好似仲未好多人知住，不過相信好快就會排哂長龍啦！大家可以係舖頭買到多款懷舊美式甜品，如果係嗌成個完整9吋批仲可以online預訂😌佢地期間限定提供4款復古嘅批同蛋糕，online order仲有得揀每月精選嘅特別批（今個月係milk and cookies pie)
本身有啲擔心美式甜品會好甜好膩，但估唔到完全出乎我意料！幾款食落都好出色🤩而且今日朝早十點幾去到唔洗排隊，好快就買到啦！
🐶Apple pie $70
我本身唔係好鍾意食蘋果批，因為覺得佢個餡料一pat野咁，個醬又酸得好難食，但Butter 呢個蘋果批就令我眼前一亮啦😮
餡料方面食到清甜嘅蘋果味🍎，唔會太酸/甜，而且醬汁有淡淡肉桂香，但唔會喧賓奪主，蘋果肉質感適中，淋得黎食到果肉嘅口感，唔係一pat野，而且好足料！批皮過左幾個鍾先食都可以保持香脆，不過唔重牛油味。
🐶Pineapple upside-down cake $80
呢個有驚喜‼️本身以為呢個蛋糕好普通，就係菠蘿配海綿蛋糕，但食落反而最鍾意呢個❤️蛋糕鬆軟濕潤，最難得係食到淡淡菠蘿嘅甜香，講嘅係新鮮菠蘿個種香甜，而唔係糖水菠蘿味，配埋蛋糕上面嘅菠蘿果肉好清新，係四個入面最唔膩嘅。
可惜上面嘅車厘子🍒係藥水味嘅......
🐶Cherry Pie $70
本身擔心車厘子批都會係藥水味，但好彩佢無令我失望，此🍒不同彼🍒，呢個批嘅餡料一啲藥水味都無😆食落酸酸甜甜，咬到車厘子肉嘅口感，好開胃，而且份量十足，爆哂餡！而且批皮同樣係咁香脆🤪（不過同蘋果批比，我覺得蘋果批味道豐富啲，值得食多啲～）
🐶 Tennessee Whiskey Caramel Pecan Pie $70
四個入面我覺得核桃批最普通，雖然話用左焦糖同whiskey去整，但食落都主要係食到核桃味😂層次較為單一.......不過桃桃都烤得幾香口嘅，鍾意有咬口又唔會太甜都可以揀呢個！
張貼
