石鍋堂

營業中

休息中

根據OpenRice熱門推介，我點左蒲燒鰻魚雞扒石鍋飯，是日天氣涼涼地，食石頭鍋飯簡直係樂事，先試個鰻魚，汁既味啱啱好，最驚死鹹太濃味，呢個汁輕輕帶出鰻魚味，出色👍🏻加埋雞扒，口味豐富，滿滿蛋白質😍，個飯亦都要大讚，飯受熱程度均勻，飯焦脆卜卜，好有古早煲仔飯嘅感覺，食咗一半再加餐廳嘅秘製醬汁，又有另一種口味，極速K.O.朋友食海鮮石燒烏冬，材料有蝦、蜆肉、蠔仔、帶子，我試咗啖湯，非常鮮甜，滿滿海鮮香，真材實料，並唔係雪藏嗰啲垃圾海鮮，湯非常好飲，朋友話個烏冬口感都好好，偏軟身但非常好味，超滑順口，建議我下次必食。最後仲附送左紅豆餡嘅和果子，煙煙靭靭水晶外皮，適中份量香甜豆沙，為今餐畫上一個完滿句號。