五代同糖 (已結業)

前幾日放左工去吃，晚上六點幾當然唔使等位，不過我地都唔係惟一既一檯。兩個人又想食多幾款，於是叫左個精選，有日式焦糖燉蛋+ 朱古力心太軟 + APPLE CRUMBLE。好多食評都講過佢個心太軟好食，我同意，朱古力漿最好係唔太甜，係比較細個左d。焦糖燉蛋唔錯，我有少少嫌佢甜左d，朋友覺得好食。質感好好，唔會太死實，又唔會太軟淋淋。不過，數最有驚喜係apple crumble，我一向對呢個甜品無咩期望，食過好多次都係太甜。呢度果個，首先係夠熱，我食心太軟食到一半先開始食佢，依然係熱既，呢點好重要，呢個甜品唔熱真係大打折扣。另外，佢既皮脆，再食落去既蘋果好多，唔會食到一舊舊粉，有d落得蘋果唔夠多，會有一舊舊粉出現，呢個非常好。另外，佢既蘋果多而且唔係一味甜，係甜中有d酸，平衡左佢d甜味。整體感覺非常良好。雖然，呢三款成98元，每個人都成50元，以食甜品以言有d貴，不過三款都精采既唔多見，一於比個笑臉佢啦。