越萊 (福榮街)

營業中

休息中

同屋企人行行吓肚餓見到福榮街少有的越南菜，想食撈檬之際就膽粗粗入左去。衛生同服務態度都唔錯，好舒服😌成個裝修風格有越南氣息，牆壁仲有三頂越南帽子。見到餐牌好多小食，好吸引。首先我叫了豬頸肉雞扒撈檬，好似唔洗50蚊。配菜好足料蘿蔔芫荽青瓜炸蒜等等，撈埋佢配嘅汁好開胃豬頸肉脆卜卜，好滑，滿意！我家人叫了豬扒蝦餅撈檬，蝦餅好大塊，好新鮮！好食到兩碗都食晒然後嗌咗個春卷，本身我食越南野都唔鍾意食春卷，但佢呢個入邊好似有豬肉？好岩口味，最緊要裝住春卷嗰舊嘢好有特色