佳芳廚房 (已搬遷) 新店位置

行過見新開餃子店，身為餃子控嘅我，當然要試下，點左客韭菜鮮肉煎餃，酸梅湯試下。酸梅湯先上，夠味，仲飲得出陳皮味，收貨。之後韭菜餃都上埋，食落皮唔厚，餡料調得幾好，唔會有噚雪味，仲有汁水，好快已經比我消減左，意猶未盡，叫多個鮮蝦煎餃，等左陣又到左，蝦肉好夠，煎得同樣出色，味道唔錯。事頭婆仲比左碗五指毛桃湯我試飲，話用嚟做湯餃嘅，飲落交到貨，直頭可以單獨賣😄整體係比到驚喜我，希望保持到水準，會再嚟幫襯。