叁淥火鍋 (已結業)

呢間火鍋如果唔係朋友介紹真係唔知原來附近有間咁正的邊爐店。今晚又凍返，同老公一致決定去打邊爐，間鋪位置係比較唔顯眼，入到去見係懷舊香港裝修，座位闊落舒適。湯底我哋揀咗「秘製泰國椰子雞煲」，職員即場一連倒兩個新鮮椰青水落去煲半隻雞。呢個湯底真係無得輸，好足料、好清甜、鮮味十足，連雞肉都好好食，我一連飲咗3-4碗。飲完湯就開始打邊爐啦! 見餐牌好多選擇有啲眼花撩亂，最後根據職員嘅推薦，我哋叫咗:1.手打黑松露豬肉丸一口落去黑松露香味即刻喺口道爆出，豬肉好嫩滑。如果鍾意食黑松露的朋友值得一試。2.即炸紫菜響鈴呢個響鈴可以就咁即食，點一點醬汁，就咁食好香口，酸酸甜甜，食完想再食。另外，放落邊爐湯底淥一秘上嚟食，外脆內軟，好正!! 兩個食法都深得我心。下次再嚟一定要再叫。3.新鮮第一刀見餐牌有「第一刀」點可以唔叫嚟食，之前食過覺得口感好正。難得見呢道有當然要叫啦! 肉質果然非常腍軟、爽口得嚟又帶點煙韌，非常好食。4.蘇格蘭蟶子皇好大隻鮮味十足，又爽口，正呀!5. 田園菇菜拼盤個拼盤有粟米、鮮冬菇、雞脾菇、西洋菜，生菜…啲菜好新鮮、清甜。最後我哋一人叫咗杯飲品: 益力多沙冰 同埋 金益力多沙冰 入