影片
更多
2011-05-13
127 瀏覽
港島區既酒店 buffet 唔係有好多間 , 要搵間平、靓、正真係難上加難 , 今期既母親節又考起我嘞 ?_? 好彩我一早做定功課 , 比我搵到呢間灣仔世紀酒店既 Le Café, 盡管見 O.R 既食家最近有些少副面評語 , 但心裡仍覺得 4 星級既酒店食物質素 , 應該唔會差得去邊卦 , 打電話落 booking 時得知預早訂位及會員都有 85 折 , 加一仲係以折後計算喎 ( 原價要 $328/ 位加一 ), 呢個價錢都算係高通脹下既 一個不錯選擇 … 雖然 Le Café 餐廳既景觀只屬一般 , 但室內座位寬敞舒適 , 加上有不同款式的嬰兒椅子任"B"選擇，極適合一家人聯誼暢聚。繞場一週後 , 發覺勁多嘢食 , 絕無欺場 , 款式多樣化唔再講 , 仲有好多回本嘢食添 ! 整體食物質素及烹調尚算 ok, 食評呢家嘢好個人主觀化 , 對胃口自然有讚無彈 , 你地話係咪 ?! 講番回本食物先 , 有我地最愛既生蠔 , size 適中 , 大部份嘅生蠔都有幾突出嘅"肚腩仔"，配以檸檬汁、茄汁或酸辣汁，啜食下更能突出淡淡既生蠔鮮味，份外鮮甜美味,真係爽爆 。 焗蠔方面，可
雖然 Le Café 餐廳既景觀只屬一般 , 但室內座位寬敞舒適 , 加上有不同款式的嬰兒椅子任"B"選擇，極適合一家人聯誼暢聚。繞場一週後 , 發覺勁多嘢食 , 絕無欺場 , 款式多樣化唔再講 , 仲有好多回本嘢食添 ! 整體食物質素及烹調尚算 ok, 食評呢家嘢好個人主觀化 , 對胃口自然有讚無彈 , 你地話係咪 ?!
講番回本食物先 , 有我地最愛既生蠔 , size 適中 , 大部份嘅生蠔都有幾突出嘅"肚腩仔"，配以檸檬汁、茄汁或酸辣汁，啜食下更能突出淡淡既生蠔鮮味，份外鮮甜美味,真係爽爆 。 焗蠔方面，可能經過燒焗既關係 , 焗蠔明顯地細隻d, 無咩肉哋，不過廚師好似加咗d蒜蓉落去，色香味俱全。 鐵板燒深海扇貝大大粒 , 見師傅以慢火燒並落左d黑椒 , 熱辣辣好野味。 燒大蝦雖然普通貨色兼味淡 , 但加左d醬汁後食都算不賴。 三文魚刺身肥美厚切無筋又爽口，鮑魚片刺身甜甜地唔錯。 翡翠螺、青口肉質鮮甜 , 唔落調味都好食。 炸蝦熱辣辣 , 好酥香鬆脆 , 絕對唔厚粉 , 怕熱氣既我都忍唔住食左好几隻。 燴魚柳好 creamy 。 咖喱雞唔係太辣，佢嘅咖喱汁果然係餸飯嘅不二之選。
食物款式太多啦 , 不能盡錄 , 眼寬肚窄下 , 試左好食既計有芝士蛋糕 , 有啖啖濃郁既芝士 , 咖啡蛋糕好食到連我家肥 B 女都食唔停口 , 士多啤梨慕絲好幼滑 , 黑朱古力蛋糕硬身 d, 唔太甜且有濃濃既朱古力係入面。另外有 d 細細件既餅仔 , 脆脆地好好味。 楊枝甘露好多芒果粒粒同柚肉 , 每人食左一大碗 , 凍凍哋勁潤喉。 西瓜超甜起沙。 4 款味道既 Ben & Jenny's 雪糕好幼滑。
熱盤比較一般 d, 唔多得既嘢食有炒蟹 ,d 肉太“梅” , 蒸魚則鞋鞋地。 炆羊仔 脾個賣相唔錯 , 可惜味道麻麻。朳纇韌左 d 。 淥麵唔錯但個冷麵就完全唔爽口。
值得一讚係服務好 , 收碟跟埋單好快 , 橙汁啤酒任飲,食物(尤其係回本食物)又不停咁 refill, 加上場內客人均屬斯文一族 , 根本唔需要去爭 。
是晚氣氛良好 , 大部份客人都忙於拍照慶祝 , 媽咪當然笑逐顏開啦 ! 好滿意既中檔質素節日 buffet, 抵你全場爆滿 …
張貼
