一粥麵 (已結業)

今日喺屯門周圍搵地方食下午茶，，咁啱見到一粥麵又想食粥咁就即刻入去食呀，發覺雲吞麵餐竟然可以免費轉紅豆冰，咁當然點呢個啦，再加多個魚蛋魚腐河加雞翼同熱奶茶，跟手發覺原來消費券入面仲可以免費換多碟油菜㖭，點完餐佢畀個遙控我，跟住我就搵位坐啦，發覺原來呢度完全係可以送餐嘅，但係嗰個遙控唔可以定位你喺邊，咁嗰個姐姐攞住個餐周圍喺度搵㗎咋，不過都總算比以前進步咗好多嘅，當雲吞麵嚟到，食落啲雲吞都唔錯都有一貫水準，魚蛋魚腐就都係一般啦，反而紅豆冰又幾好飲喎，雞翼就真係凍咗啲，熱奶茶就冇乜comment呀，反而送嗰蝶油菜都幾新鮮喎，最驚喜就係可以有送餐服務，我見啲公公婆婆年紀大，你唔送畀佢攞住個餐真係都幾危險呀，簡簡單單只食完一個下午茶啦。