影片
更多
2018-06-28
1353 瀏覽
再次黎大埔搵食, 係食街附近見到呢間德國廚房, 岩岩開業3週年, MENU有德國咸豬, 德國香腸等等, 入去同佢'損'下手先!呢間都算係清吧, 有德國啤油飲, 裝修以木色為主, 小店內有6張檯, 燈光暗暗的都幾好情調, 岩曬幾個人黎食飯傾計.MENU款色唔會太多, 沒有花巧, 小食, PIZZA, 主菜, 飲品都有齊.2個人撐檯腳, 想乜都試少少, 所以ORDER左1個德國火焰咸豬手SET, 已經包括有德國腸, 丸, 薯角, 伴菜, 酸菜等等.火焰咸豬手上檯後即場倒RUM酒, 點火! 好吸晴!!咸豬手都幾大隻, 十分多肉, 外皮勁脆, 豬手肉唔係好咸, 肉質較為爽, 完全無根, 啖啖肉好好食! 咸豬手有一半已經幫你切好, 另一半可以慢慢切, 成舊咋住食又得! 可以豪邁D! 德國腸有2款, 一隻香草豬肉, 一隻係維也納腸.伴菜係超甜粟米, 中和一下味蕾, 好夾!不得不提係個蜜糖芥末醬, 原來係自家的, 甜甜地, 沒有剌鼻的芥末味, 好正!另外ORDER左個小食 - 煙肉蜜糖芥末薯條, 比一般的薯條粗, 先炸再焗, 上面放了大量芝士, 100%香脆又香口, 蜜糖芥末味不太重, 反面條條都脆
呢間都算係清吧, 有德國啤油飲, 裝修以木色為主, 小店內有6張檯, 燈光暗暗的都幾好情調, 岩曬幾個人黎食飯傾計.
MENU款色唔會太多, 沒有花巧, 小食, PIZZA, 主菜, 飲品都有齊.
2個人撐檯腳, 想乜都試少少, 所以ORDER左1個德國火焰咸豬手SET, 已經包括有德國腸, 丸, 薯角, 伴菜, 酸菜等等.
火焰咸豬手上檯後即場倒RUM酒, 點火! 好吸晴!!
德國火焰咸豬手
48 瀏覽
0 讚好
0 留言
咸豬手都幾大隻, 十分多肉, 外皮勁脆, 豬手肉唔係好咸, 肉質較為爽, 完全無根, 啖啖肉好好食! 咸豬手有一半已經幫你切好, 另一半可以慢慢切, 成舊咋住食又得! 可以豪邁D!
德國腸有2款, 一隻香草豬肉, 一隻係維也納腸.
伴菜係超甜粟米, 中和一下味蕾, 好夾!
德國火焰咸豬手
36 瀏覽
0 讚好
0 留言
不得不提係個蜜糖芥末醬, 原來係自家的, 甜甜地, 沒有剌鼻的芥末味, 好正!
自家制蜜糖芥末醬
59 瀏覽
0 讚好
0 留言
另外ORDER左個小食 - 煙肉蜜糖芥末薯條, 比一般的薯條粗, 先炸再焗, 上面放了大量芝士, 100%香脆又香口, 蜜糖芥末味不太重, 反面條條都脆卜卜的, 而且大量芝士岩曬我呢個芝士控!
煙肉蜜糖芥末薯條
28 瀏覽
0 讚好
0 留言
唔飲酒, 呢到都有D特色飲品, 我地試左個青萍果椰果特飲, 同埋熱蜂蜜香橙玉桂花茶.
青萍果椰果特飲幾FRESH, 有粒粒椰果好好咬.
特別欣賞杯蜂蜜香橙玉桂花茶, 去油膩感非常好, 食比較濃味的食物, 飲番一啖, 喉嚨好舒服, 杯內仲有一片風乾香橙片架, 好有心思!
蜂蜜香橙玉桂花茶
47 瀏覽
0 讚好
0 留言
蜂蜜香橙玉桂花茶
37 瀏覽
0 讚好
0 留言
整體質數高, 呢個地方搵朋友吹水係一流!
張貼
