越翠苑 (已結業)

連鎖嘅越南菜館基本上都試過哂但係都冇間覺得特別好食所以已經好耐無食越南菜；最近心血來潮上網搵到報導推薦呢間小店雖然地點有啲難搵但係都決定去試試咖哩牛腩檬粉咖哩湯底好香好濃；牛腩炆得軟腍入味；薯仔同埋檬粉吸哂啲湯底食落好惹味蟹膏檬粉蟹膏食落甘香可口而且份量好多；配埋濃郁嘅蕃茄湯底味道微酸夠哂開胃；仲有扎肉豆卜等等好多配料好正牛油果沙冰雖然平時唔太鐘意食牛油果但係呢間餐廳嘅牛油果沙冰實在係好出色；沙冰口感幼滑冇冰粒而且夠稠身；飲落好濃明顯用左好多牛油果好有誠意