鍾記粉麵店

營業中

休息中

好耐冇食過車仔麵，今日行過天后見到呢間啲餸好似幾特別，所以就決定試一試💪🏻一共揀咗四個餸，有水餃，豬紅，雞腸同埋火鴨絲。除咗豬紅之外，基本上其他三款都係出邊好少見嘅。🐖我覺得一間車仔麵好唔好食，試佢個豬紅就知道。有啲地方啲豬紅好結實，而且一啲都唔入味。但係呢間啲豬紅煮得好遠同埋好入味，而且唔會散開晒碎。非常良好。🥟另外水餃都非常出色，佢標榜係自家製嘅。雖然唔係話好大隻，但係都肉眼可見的足料。好似好少地方有雲吞水餃可以加到入車仔麵。🐥雞腸就不過不失啦，洗得好乾淨一啲怪味都冇。而家真係好少地方可以食到雞腸架🪿最後到火鴨絲，啖啖肉得來好香。而且份量好足，食到最後都仲有火鴨絲係個底度。大推！