影片
更多
2021-01-02
76 瀏覽
好味指數😋😋😋😋😋回頭指數⭐️⭐️⭐️⭐️⭐️開心指數🤗🤗🤗🤗🤗2020 年係特別嘅年份，第一次遇上限聚令，第一次出現沒有晚市，節日嘅模式有好大嘅變化！既然冇咗晚市，就食個豐富嘅early dinner! 剛好路過太子，發現一間新開嘅店，裝修幾特別，見有燒雞有豬手有啤酒，就入去試下啦！🍴招牌燒德國大豬手（$188）豬手都幾大隻，已經幫你切好咗，配蜜糖芥末醬，一咬落去，個皮超脆，正呀！豬手肉鹹度剛剛好，肉質厚實爽口，有少少咬口，唔太淋，好味！🍴黑啤烤春雞（$98）烤春雞有3種味，除咗黑啤外，仲有rosemary 同是拉差醬，我本身都想試辣辣哋嘅是拉差醬，但又想試黑啤，諗咗一陣都係試黑啤啦！雖然係春雞，但都唔算太細隻，佢係原隻上俾手套自己撕開食，有兩舊粟米做sides，烤雞個皮有少少啤酒味又有少少燒到焦香，味道幾好，雞肉入味又好滑，連胸肉都好滑，讚！🍴澳洲和牛漢堡（$88）呢個漢堡冇sides 嘅，見到都幾厚身，和牛漢堡扒打得幾好，夠厚有肉味又juicy，另外有生洋蔥，紅黃椒、生菜，醬汁係芝麻醬，好鍾意個汁，味道好夾!🍴金沙魷魚圈（$88）魷魚圈有洋蔥圈做sides，嚟到時我連自己都忘記咗係咪有叫洋
回頭指數⭐️⭐️⭐️⭐️⭐️
開心指數🤗🤗🤗🤗🤗
2020 年係特別嘅年份，第一次遇上限聚令，第一次出現沒有晚市，節日嘅模式有好大嘅變化！
既然冇咗晚市，就食個豐富嘅early dinner! 剛好路過太子，發現一間新開嘅店，裝修幾特別，見有燒雞有豬手有啤酒，就入去試下啦！
🍴招牌燒德國大豬手（$188）
豬手都幾大隻，已經幫你切好咗，配蜜糖芥末醬，一咬落去，個皮超脆，正呀！豬手肉鹹度剛剛好，肉質厚實爽口，有少少咬口，唔太淋，好味！
招牌燒德國大豬手
$188
6 瀏覽
0 讚好
0 留言
🍴黑啤烤春雞（$98）
烤春雞有3種味，除咗黑啤外，仲有rosemary 同是拉差醬，我本身都想試辣辣哋嘅是拉差醬，但又想試黑啤，諗咗一陣都係試黑啤啦！雖然係春雞，但都唔算太細隻，佢係原隻上俾手套自己撕開食，有兩舊粟米做sides，烤雞個皮有少少啤酒味又有少少燒到焦香，味道幾好，雞肉入味又好滑，連胸肉都好滑，讚！
黑啤烤春雞
$98
6 瀏覽
0 讚好
0 留言
🍴澳洲和牛漢堡（$88）
呢個漢堡冇sides 嘅，見到都幾厚身，和牛漢堡扒打得幾好，夠厚有肉味又juicy，另外有生洋蔥，紅黃椒、生菜，醬汁係芝麻醬，好鍾意個汁，味道好夾!
澳洲和牛漢堡
$88
7 瀏覽
0 讚好
0 留言
🍴金沙魷魚圈（$88）
魷魚圈有洋蔥圈做sides，嚟到時我連自己都忘記咗係咪有叫洋蔥圈定係叫咗兩食🤣 份量幾多，魷魚圈個表包咗滿滿嘅鹹蛋黃，好邪惡呀！炸得唔錯，味道幾好，不過魷魚唔夠厚身，如果可以再厚身少少再多少少魷魚嘅煙韌口感就perfect 啦！洋蔥圈夠香脆好味，唔用醬汁都好夠味！
金沙魷魚圈
$88
4 瀏覽
0 讚好
0 留言
樣樣嘢都好好味又惹味，令呢個好少飲酒嘅我都想飲返杯啤酒，叫咗Sapporo，係draught beer，呢個early dinner 好豐富呢！
另外，店內裝修都幾有特色，係懷舊工業風格，同埋staff 嘅service 係好熱情有禮貌，主動介紹食物同推界，令人食得好開心 🥰
張貼
