龍鳳號 (已結業)

觀塘有好多小店，同小朋友學完嘢， 聽d家長介紹呢間餐廳食台灣嘢，環境同味道都唔錯，我哋一於嚟試吓。我哋叫咗個蝦餅，即叫即炸，一咬開見到入邊有大大粒蝦肉，外皮炸得好香脆，蝦肉夠彈牙好有鮮味。麻薯番薯條係我自己要嘗試，食入口煙韌，甜甜地好好味，估唔到細佬都鍾意食，有八件佢竟然可以食到四條，證明味道真係唔錯。新竹米粉我去每一間台灣餐廳都必點嘅食物，味道唔會驚為天人，但就有一種回憶嘅味道，配埋芋泥燕麥奶，好滑好味，我同細佬爭住飲，大家都食得好滿足，而我越嚟越掛住台灣，呢類型小店人情味足夠，令我更加想快啲去台灣感受一下。