One More Hotpot 來一鍋 (已結業)

今日就喺銅鑼灣食呢個海鮮火鍋套餐，仲有嘢飲任飲啤酒都係任飲架！有超級多食物選擇一入到去超級貼心佢仲有埋圍裙提供就係呢隻韓國啤酒任飲喇！店員話呢隻係韓國人好鍾意飲嘅啤酒其中之一～除咗啤酒同野飲之外，仲可以加錢要清酒！仲有前菜附送，拍青瓜同埋麻辣木耳都幾有水準！我哋就揀咗卜卜蜆鍋同埋麻辣雞鍋佢嘅麻辣雞係預先炒好咗，店員話輕輕再炒一炒就食得啦！啲雞勁滑，又炒得香口，辣度我哋揀咗一隻辣椒🌶️所以係一啲都唔辣嘅，不過都好香，其實如果想加辣都可以同店員講，佢會落返啲辣醬落去除咗雞煲食法，店員仲教咗我哋一個特別啲嘅食法因為個煲底係有雞油，所以其實仲可以放野落去煎！吸晒啲雞油之後舊肉超級香🤤呢間鋪頭嘅主打仲有即炸魚皮同響鈴不過原來係咁大舊㗎！跟套餐送嘅海鮮拼盤，全部都勁新鮮帶帶隻啖啖肉特別推介隻蝦，又大隻又彈牙🦐估佢唔到仲有心太軟做甜品雖然係細細粒明嘅，而且係火鍋鋪頭都冇諗過可以食到好食嘅心太軟，但係呢個食到舔舔脷😋