有間本舖 (已結業)

行過路過聞到好香蛋糕味，見原味古早蛋糕$30一件，即刻買件試吓，佢仲有其他味好似黃金芝士、蜂蜜蔓越莓、抹茶紅豆等價錢都貴一個double以上，所以唔駛諗一定買我最鍾意嘅原味。雖然有3間分店，但從未試過，第一次食一定會試原味，熱潮已過已經唔需要等，賣相真係幾得意有隻雞仔烙印，而包裝一啲都唔馬虎，有足夠氣孔疏氣，件蛋糕我食咗兩日口感都仍然好鬆軟，味道唔會太甜但蛋味就差少少，係唔夠蛋香，相比荃灣果間就係無得比，叫做試過就算。