丼吉日式吉列豬排專門店 (彩星集團大廈) (已結業)

今日好朋友帶左我黎依到食吉列野，真心唔錯嫁,佢都真係唔話得無介紹錯,去到職員好快就安排到位比我地,竟然係一個沙發既卡位,真係好好彩,感覺十分之舒服,個位已經十分滿意我地都好快就叫好野食，之後就有野玩喇,職員叫我地自己親手用支木棍仔將D芝麻慢慢磨成粉，之後再加自己鍾意既吉列醬攪好佢，一路傾計，一路磨芝麻，時間就真係好快就過，好快就到喇D炸野，職員拎黎既時候會慢慢同你解釋D醬料用咩用途，夠哂細心，套餐就有味噌湯、同埋有D醃漬物、無限既椰菜絲同埋一碗白飯，原來白飯都係無限添加既,不過你又食得幾多呢。果然係專門店，炸物既炸漿夠哂脆，最緊要係唔會太厚，唔會得個炸味而食唔到個餡料既味道。炸蠔食落十分肥美雖然唔算太大舊。 豬柳就比較特別,係半圓形既，肉質非常厚身，但食落都好嫩滑，唔會好似香口膠咁，肉質非常之好，食左咁多炸野，食番少少椰菜絲，感覺就會無咁熱氣，岩岩好。