Oakey Dokey Wine Shop & Bar

尋日早收工，就去左大角嘴依間小店食嘢飲杯嘢。朋友好耐之前介紹過，話依到非常適合聊天小酌幾杯。
酒嘅價錢唔貴，如果唔識揀都唔怕，因為老闆會喺陳列架前逐枝同你介紹，直至你揀到心頭好為止。
餐牌上既食品十分合適配酒，咁岩想食飽d取代晚餐，就問老闆有無更飽肚嘅菜式介紹，誰不知佢話岩岩番左款加拿大急凍龍蝦問有無興趣試。就係咁，成功點左款餐牌上無既菜式。
菜式一上碟，真係充滿驚喜，急凍龍蝦一咬落去竟然仲有陣海水鮮味噴出黎！意粉口感極好，蕃茄味之餘仲有少少辣辣地，好食！
最後飲到紅酒時，再點多款佢地既招牌fusion小菜 皮蛋，估唔到皮蛋+紅酒味道係咁夾！

揀左右邊枝Rosé 飲，好岩女仔飲嘅汽酒

臨時叫老闆煮嘅菜式  好味！（就地取材）

原來皮蛋配醋嘅味道咁特別！