影片
更多
2018-08-07
35 瀏覽
星期六下午，睇戲前同朋友仔食個late lunch~ 見到間新開車仔麵就一於試試~過咗lunch hour, 所以都唔算多人~真好! 以為係小店但其實都好大間，同埋裝修都幾有心思，以單車為主題，走日式小清新路線，車仔麵店嚟講都算特別~每張枱都有張牌教你點落單~門口嘅電子餐牌，其實入到去都有放枱面嘅過膠餐牌~其實佢啲餸都算多款，有啲都比較少見，今次就揀咗食肉獸系列: 豬軟骨豬大腸牛肚!! 😝😝😝 呢度嘅湯底係秘制牛骨湯~牛骨味其實真係好香濃好鮮甜，應該係真材實料煲先會有嘅味道!👍不過都因為真係牛骨煲嘅關係，所以湯底都偏油…如果可以撇走啲油就好了至於餸方面，就不過不失啦豬軟骨偏散碎，所以唔係好食到軟骨，淨係食到豬肉😂😂 而且肉質有少少乾，有啲啲失望…至於牛肚同豬大腸都腍同夠味嘅，但大腸有啲肥膏朋友仔就食漢堡扒翼尖枝竹佢好唔開心得一塊漢堡扒😂翼尖都幾多同入味，不過都係有啲甩骨🙈🙈新張期間買3餸麵仲送杯飲品，都幾抵~不過好似每日送嘅會轉款，呢一日送嘅係柑桔柚子同荔枝綠茶，如果唔啱都係要加錢跟餐嚕~題外話，呢度似乎係家庭式經營，因為食到一半見到有對上咗年紀嘅公公婆婆為餐廳運作爭拗咗一陣，仲有位疑
過咗lunch hour, 所以都唔算多人~真好! 以為係小店但其實都好大間，同埋裝修都幾有心思，以單車為主題，走日式小清新路線，車仔麵店嚟講都算特別~
每張枱都有張牌教你點落單~
門口嘅電子餐牌，其實入到去都有放枱面嘅過膠餐牌~
其實佢啲餸都算多款，有啲都比較少見，今次就揀咗食肉獸系列: 豬軟骨豬大腸牛肚!! 😝😝😝
呢度嘅湯底係秘制牛骨湯~牛骨味其實真係好香濃好鮮甜，應該係真材實料煲先會有嘅味道!👍
不過都因為真係牛骨煲嘅關係，所以湯底都偏油…如果可以撇走啲油就好了
至於餸方面，就不過不失啦
豬軟骨偏散碎，所以唔係好食到軟骨，淨係食到豬肉😂😂 而且肉質有少少乾，有啲啲失望…至於牛肚同豬大腸都腍同夠味嘅，但大腸有啲肥膏
朋友仔就食漢堡扒翼尖枝竹
佢好唔開心得一塊漢堡扒😂
翼尖都幾多同入味，不過都係有啲甩骨🙈🙈
新張期間買3餸麵仲送杯飲品，都幾抵~不過好似每日送嘅會轉款，呢一日送嘅係柑桔柚子同荔枝綠茶，如果唔啱都係要加錢跟餐嚕~
題外話，呢度似乎係家庭式經營，因為食到一半見到有對上咗年紀嘅公公婆婆為餐廳運作爭拗咗一陣，仲有位疑似孫女嘅好勤奮地打理店務~頓時令成間餐廳增添咗家嘅味道!哈哈😂
整體嚟講，餐廳環境不錯，但食物就有進步嘅空間，不過唔知peak hours喺運作上會唔會有啲混亂呢😛
張貼
