百人一朱 (已結業)

第一篇食評, 希望各位多多賜教~琴日同女朋友夜晚去左呢度食, 有得訂位, 小弟幾日前已經訂定, 所以唔洗點等~我同佢由於比較夜至黎(10:00pm), 本來想試下佢地既燒餅, 但已經賣晒lu... 我地叫左三樣野, 有太卷、牛肉鍋同中華冷麵, 每樣都講下啦~太卷D 料幾新鮮, 青瓜好夾口, 其他料都幾鮮味, 唔似得有D 專食壽司既地方, D 青瓜同蛋係梅梅地既...牛肉鍋係唔錯, 牛肉既口感幾好(雖然未必人人認同), 烏冬好彈牙, 冬菇咬落去好鮮味, 而份量則適中, 不多不少啦~其實我以前唔多食冷麵, 因為我怕佢會好大醋味(我唔食醋的), 但呢個中華冷麵既酸度剛剛好, 麵質ok, 配料有蛋絲、蟹柳同紫菜, 都幾match.講下其他野啦, D 野食賣相幾好, 而佢地既環境又係幾唔錯喎, 呢個都係我其中一個原因帶我女朋友黎呢度食~ 至於服務就可以再好一D, 佢地都幾客氣嫁啦, 不過係對住你果陣, 我有次叫個waiter, 佢竟然扮聽唔到...今次食左~$130, 都算合理. 希望下次再黎, D 野食既份量會多一D, 有D 野其實都唔太抵... 當然, service 要再進步一下哦~