喜糖 (已結業)

係長沙灣食完飯唔係好夠飽 經過見到有個人企出尼好有誠意話佢間甜品鋪啱啱開 然後係佢極力遊說下我決定即管入去試下 裝修幾四正 啲櫈係五顏六色既都有幾枱客 望下menu 款色唔算多 千揀萬揀我終於決定試下"黑武士"(我唔肯定係咪哩個名😂) 總之其實佢就係朱古力雪糕奶凍 個賣相唔錯 不過呢條脆筒林哂 佢全店都係採用movenpick既雪糕所以只要個雪糕雪得凍保存得好 都好難唔好食 到個奶凍勒 味道唔算重同埋只係得最底底個部分有少少所以唔會好漏 撈埋啲朱古力雪糕一齊食都ok既服務尼講大部分都好有禮貌 係臨尾食完甜野想要杯水 個女侍應同我講"我地冇水嫁堝" 咁我心靈上就有少少受創 我諗可以用第二個語氣表達既 同埋希望可以考慮下供應埋水俾客啦🤔